Киһи олоҕо бэйэтин илиитигэр диэн мээнэҕэ эппэттэр. Ис турукпут, доруобуйабыт туһугар бэйэбит эрэ кыһаллар, хонтуруолланар кыахтаахпыт. Маныаха, куйаар ситимигэр доруобуйаҕа туһалаах араас сүбэ-ама элбэх. Оттон ол сүбэни тустаах исписэлиис киэҥ араҥаҕа сырдатар буоллаҕына ордук итэҕэтиилээх. Биһиэхэ бүгүн үрүҥ халааттаах аанньал Екатерина Анатольевна Яковлева – Доктор Күн @doctor.kyn ыалдьыттыыр. Кини куйаар ситимигэр ордук Доктор Күн диэн аатынан биллэр. Уу сахалыы тылынан “саҥарар” доруобуйаҕа аналлаах блогтаах. Онно киһи араас эми-тому испэккэ, доруобуйатын эрдэттэн харыстаныан сөбүн туһунан кэпсиир.
Екатерина Анатольевна, аан бастаан билсиэххэ.
Мин терапевт быраас идэлээхпин. Идэбинэн 4 сыл Хаҥалас улууһугар үлэлээбитим. Билиҥҥи хайысхам интегративная медицина – эмэ суох, эрдэттэн доруобуйаны көрүнүүгэ уонна харыстаныыга туһаайыллар. Ол эбэтэр, киһи аналиһын көрөн (лабораторная диагностика түмүгүнэн) аан маҥнай ыарыы үөскээһинин быһаарабын.
Бу билигин олус туһалаах уонна чахчы наадалаах үлэни оҥоро сылдьар эбиккин. Сахалыы “саҥарар” доруобуйаҕа аналлаах блог дьон-аймах болҕомтотун сүрдээҕин тарпыт диэн бэлиэтиир оруннаах.
Бу сахалыы блог сыала дьоҥҥо туһалаах информацияны тиэрдии, медицина терминын сахалыы ырытан, кэпсээн ааҕааччыларга өйдөтүү буолар. Медицинэ өттүттэн дьоҥҥо ситэ быһаарбат, тиэрдибэт, сэрэппэт түгэннэрин бэйэм суруйар бэлиэтээһиннэрбэр (постка) кэпсиибин.
Билиҥҥи үйэ дьоно информацияны олус түргэнник ылыналлар дииллэр. Доруобуйаларыгар төһө эппиэтинэстээхтик сыһыаннаһалларый уонна төһө өйдүүллэрий? Ааҕааччыларгын кытта сибээс туһунан тугу этиэххин сөбүй?
Кэтээн көрдөххө, киһи санаата чөллүйэн, бүтэһик үс сылга биллэ уларыйда. Куһаҕан эмиэ үчүгэйдээх диэбиккэ дылы, сыстыганнаах хамсык ыарыы (ковид) кэннэ доруобуйаны көрүнүүгэ улахан хамсааһын таҕыста. Бу кэмҥэ, хомойуох иһин, медицина мөлтөөн биэрэн, дьон-аймах сыыһа элбэх эми иһэн, чөл туруктаах буолар кыахтарын сүтэрбиттэрэ. Бу мантан сиэттэрэн, нэһилиэнньэ олохтоохторо эрдэттэн доруобуйаларын харыстаныахтаахтарын өйдөөбүттэрэ. Хамсык кэмигэр дьиэҕэ олорон сөп буолбут дьон, киһи доруобуйатыгар спорт хайдах курдук туһалааҕын өйдөөннөр, билигин спорт саалалара ханна баҕарар элбээтилэр. Сөптөөхтүк аһааһын, ол эбэтэр, нутрициология хайысхата сайдан эрэр. Мин санаабар, хас биирдии ийэ күннээҕи аһылыкка болҕомто ууран, нутрициолог буолуохтаах, оччоҕуна эрэ дьиэ кэргэн доруобай уонна чөл туруктаах буолар.
Чэгиэн буоларга көмөлөһөр блог ааҕааччылара элбээн иһэллэр. Бу тус сирэйбиттэн (страницабыттан) билбит билиилэрин салҕыы дьоҥҥо тарҕаталлар, кэпсииллэр оччотугар кэккэбит халыҥаан иһэр. Ааҕааччыларым махталлара, кынаттаах суруктара санаабын бөҕөргөтөллөр уонна өссө дьаныардаахтык үлэлииргэ сирдииллэр.
Холобур, Доктор Күн блогуттан маннык доруобуйаҕа сыһыаннаах чахчылары билиэххэ сөп.
Витамин D тоҕо намтыырый, үрдээбэтий, иҥмэтий?
Тоҕо туһалаах витаминнар, минераллар иҥмэттэрий, көмөлөспөт буолалларый. Манна хас да төрүөт эбэтэр кыһалҕа баарын бил.
Үөс толору хойдон, туолартан – застой желчи – дискинезия желчевыводящих путей – изгиб желчного пузыря – камни желчного пузыря. Маннык диагнозтаах кыһалҕалаах дьоҥҥо үөс үлэтэ мөлтөөн бардаҕына, үөс сатаан арыыны араарбат (Не расщепляет жиры) арыы составтаах витаминнар иҥмэт буолаллар, ону кытары Витамин D.
Витамин D төһө баҕар үрдүк дозалааҕы иһэргит иҥмэккэ курдары ааһар, иммунитет түһэр, ис оһоҕос, уҥуох сүһүөх, былчыҥ мөлтүүр.
Сарсыарда аайы итии соҕус сылаас 1-2 ыстакаан ууну аччык искэр ис, үөскүн сайҕаа. Хас күн аайы.
Куһаҕаннык үлэлиир ис оһоҕос – испорченная микрофлора. Ис оһоҕос микрофлората синтез витаминын иҥэринэр кыахтаах.
Ис оһоҕос киһи бэйэтин үөннэрэ патогеннай бактерия элбээтэҕинэ үчүгэй витаминан аһаан элбиир, киһи организмыгар иҥмэт буолар, туһатын сүтэрэр.
Маннык түгэҥҥэ Железо, Омега-3, Магний, В группа витаминнары испэккит ордук, патогеннай куһаҕан ис оһоҕос үөннэрин аһатаҕыт.
Манна көмөлөһөр, комплекснай эмтэнии барар. Киһи киэнэ араас буолар. Барыта индивидуально.
Паразитоз. Куһаҕан тастан киирбит, араас астан, кыылтан сыстыбыт үөннэр. Эмиэ саамай искэ киирэр, туһалаах хаан эттигин, витаминын иһэр, сиир уонна улаатар. Манна көмөлөһөр антипаразитарнай эмтэнии, специалист инфекционист көрөн эмтиир.
Слизистай орган мөлтөөбүт кэмигэр, холобура ЖКТ желудочно-кишечный тракт. Аан маҥнай белок иҥэрэ мөлтүүр, оччоҕо атын витаминнар, минераллар иҥэрэллэрэ аҕыйыыр. Бу слизистай орган оһоругар эбии костнай бульон иһэр ордук.
Маннык кыһалҕа баарын билбэт, билэр буоллаххытына, анализ туттарыҥ, уонна миэхэ ыытыҥ. Уопсай хаан аналиһа, Биохимия, Ферратин, Витамин D 25 (ОН) анализ КОПОГРАММА – ЖКТ хайдах үлэлиирин көрдөрөр + дисбактериоз ХМС по ОСИПОВУ – определяет состояние микрофлора кишечника УЗИ брюшной полости – печень, желчный пузырь, поджелудочная железа).
Мин оҕом “МАЛОЕЖКА-СЛАДКОЕЖКА” ?
Оҕо аһаабат, эт аһылыгы сиэбэт, миини испэт, сирэр. Аныгы оҕо кини итинник диэн “ярлык” үрдүттэн иилэбит. Эбэтэр үчүгэйдик аһыы сылдьан, эмискэ аһаабат буолар, сөбүлүүр аһыттан аккаастанар.
Наар тардыстан сиир астара буолар минньигэс, саахардаах астар, түргэн углеводтан бурдук астар, фаст-фуд, полуфабрикат халбаһыы, хотуобай пельмень.
Минньигэһи уонна түргэн углевод астары күнүс, киэһээ, түүн сиэн баҕаран кэлэр. Сылайарыттын минньигэс сиир, нервнай систематын уһугуннаран биэрэр.
Маннык “пищевые привычки” куһаҕан үөрүйэх минньигэс, бурдук астары тэҥэ суохтук сиир оҕо түргэнник уойар (избыточный вес, ожирение) буолар.
Бу оҕоҕо туох тиийбэт? Тоҕо сүгүн аһаабат?
Бу кыһалҕата, биир биричиинэтэ буолар тимир (железо) эттик ис хааныгар тиийбэтинэн буолар. Ол аата Железо дефицитная анемия симптома. Железо суох буоллаҕына, кофермент витаминнара эмиэ тиийбэт, иҥэрбэт. Белок аһы аһаабат оҕо биир даҕаны эттик витамины, железоны ылыммат. Тимирэ (железо) суох оҕо организма сатаан абылык (кислород) ылан тыыммат, наар ГИПОКСИЯҕа сылдьар. Сибиэһэй салгынтан тыын ылбат.
Железо дефицитная анемия оҕоҕо хайдах дьайар?
Абылык (кислород) ылбатыттан, хааныгар окисления барар, мэйиитин үлэтэ мөлтүүр, ол аата толкуйдуура, сайдара бытаан. Умнуган, түргэнник сылайар, хаппырыыс, тулуура суох, ытыыра элбэх, сатаан утуйбат. – Сүрэх ритма уларыйар, атыннык тэҥэ суохтук тэбэр. Физическэй үлэни, хамнанары, сүүрэри тулуйбат. Атын киһи хараҕар, сүрэҕэ суох көрүҥнээх. Физкультура уруогун абааһы көрөр. –
Сурэх-тымыр мөлтөөбүт кэмигэр, щитовиднай гормоны хамсатан гипотериозка тириэрдэр, маннык көстүү кыргыттарга баар буолар, улаатар, ситэр-хотор кэмнэргэ. – Ноор гормон органын хамсатан, уойан (ожирение) Сахарнай диабетка кытта тириэрдэр.
Тас көрүҥэ хатыҥыр, эбэтэр эмис кубархай, тыҥырахтара чараас, баттаҕа уһаабат, түһэр. – Ыалдьар ыарыыта наар ОРВИ, ОРЗ, ис куртах, оһоҕос ыарыы. Иммунитет мөлтөҕүн кэпсиир. – Железо дефицитная анемия хантан кэлэрий❓ Беременнай Железо дефицитнай анемия диагнозтаах ийэ- оҕото анемия ыарыылаах төрүүр.
Оҕо 5 сааһыттан ферритин 50, гемоглобин 125 орто кэриҥэ буолар.
Оҕо иммунитетын күүһүрдэр “АПТААХ ЭМП” баар дуо?
Психосоматика оҕо киэнэ 15 сааһыгар дылы, төрөппүт психосоматиката тутулуктаах. Оҕо ыарыйдаҕына, өрүү ЭМИНЭН-ТОМУНАН эмтиибит, быраастан- бырааска илдьэбит… Ол көмө үрдүнэн араас ыарыы арахпат дьаҥ, ОРВИ, ОРЗ, ГРИПП. Саҥаттан саҥа ыарыы киирэриттэн, оҕо ИММУНИТЕТА МӨЛТӨӨН ыалдьар диэн санааҕа киирэҕит? Оҕо сааһын устата ааһан иһиэ, психосоматика төрөппүт сыыһатын маны көрүммэтэҕинэ -стресс -өй-санаа кыйыттар, кыыһырар, хомойор. Оҕо үрдүгэр түһэр, тааһаарар, көрдөрөр. Мээнэ сыыһалартан иҥнэр, мөҕөр, боччуйар буоллахха. Мантан сылтаан оҕо ӨРҮҮ ЫАРЫҺАХ буолар. Эбэтэр бэйэтигэр киирэр, бүгэр, сүтэр маннык турук ис органыгар охсон, ыарыыга кубулуйар. Төрөппүт мантан саҕаламмыт сыыһаттан эрэйи көрүөн сөп, оҕотун хайдах үтүөрдүөн билбэт. Оҕо иммунитетын күүһүрдэр “АПТААХ ЭМП” суох. Күн аайы оҕоҕо болҕомто сатаан уурбат, кэпсэтэр-кэпсэппэт төрөппүт эмиэ баар, күнү быһа үлэлиир, араас интэриэһинэй дьыалалаах. Эбэтэр стресска киирэн араас быһыылаах-таһаалаах буолар төрөппүт, баҕар бу посту аҕаан, өйдөөн ылыа, санаатын булуо…
ОҔО ИММУНИТЕТЫН КҮҮҺҮРДЭР КҮҮС
Оҕо аттыгар бааргын биллэр; аһыы олорон көхсүтүн, төбөтүн имэрийэн биэр, ааһан иһэн кууһар буол биирдэ, иккитэ сахалыы сылаастык сыллаа, таптал аатынан ыҥыр, тугу эрэ алдьаппыт, тохпут, сүтэрбит, билбэт буоллаҕына тута мөҕүмэ, оҕо эрдэҕинээҕин санаа, эн эмиэ итини ааспытын “БОСС МОЛОКОСОС” буолбатаххын.
Эбэтэр бэйэҥ итинник сыыһаны оҥордоххуна, бэйэҕин мөхпөккүн. Мөҕөн баран хойут сыыһаҕын өйдөөн көннөрүөххэ сөп, алҕас, бырастыы диэн этэр, сэрэтэр ордук. #ЯЖЕМАТЬ, #ГИПЕРОПЕКА диэнинэн иитэр эмиэ сыыһа. Таптыыргын, киэҥ туттаргын, махтанар тылы этэр буол.
ОҔО ТӨРӨППҮТ ДЬОЛО, БУ ОЛОХХО ЭЙИГИН ҮӨРЭТЭ КЭЛЭР.
Уонна Быраастан биир харыстыыр сүбэ: Оҕо күннээҕи аһыгар эттик витамин, минерал тиийбэт, сааһынан көрөн өрүү витамин эбиилик биэрэр ордук, иммунитет харыстыыр. D витамин иммунитет көтөҕөр. Омега-3 өй-санаа үөрэҕэ сайдар. Мультивитамин комплекснай эбии алфавит витамин. Кальций магний оҕо уҥуоҕун тутар, улаатар. Сиһилии витамин Д, ОМЕГА-3 дьайыытын атын мин поспуттан ааҕан бил.
Екатерина Анатольевна @doctor.kyn диэн Инстаграмҥа тус сирэйигэр доруобуйаны харыстыырга, ис туругу хонтуруоллана уонна кырачааннар доруобуйаларын көрө-билэ сылдьарга аналлаах элбэх туһалаах пост баар. Киирэн билсиэххитин, интэриэһиргиир ыйытыктаргытыгар хоруй иҥэриниэххитин сөп.
